Ikaw Ang Dasal, Ang Kanta Ng Puso Ko

(Alay sa mga malayo sa mga minamahal sa buhay)

Isinulat at pagma-may-ari ni Loreto Quevedo Dimaandal

Sa Silicon Valley (Sabado, Nobyembre 25, 2011)

Sa tagal ng panahong di tayo nagkikita

Puwede pa kaya akong umasa

Na pagdating ng araw o panahon

Muli tayong magkikita at magkakasama?

Ikaw ang dasal, ang kanta ng puso ko

Araw-araw, ikaw ang laman ng aking isipan

Nagtataka kung minsan, palaging umaasam-asam

Na sana ay nandiyan ka ding naghihintay lang.

Ikaw ang dasal, ang kanta ng puso ko

Na siyang nagpapalakas sa akin

Lupaypay man sa pagod at pag-iisa

Nagsusumikap pa ring nagtataguyod sa gitna ng kalungkutan.

Ang layo mo, ang layo natin sa isa't-isa at sa pamilya

Kailangan ko talagang bumunot

Sa kailaliman ng aking katauhan

Ng natitirang lakas para makaahon sa kahirapan.

Ngunit kahit ganito ang ating situwasyon

Ikaw pa rin ang nagpapalakas

At ang nagpapa-ngiti sa akin

Ikaw ang dasal, ang kanta ng puso ko.

Maraming salamat sa Diyos at sa iyo!

P.S. I wrote this with Fil-Ams and OFW's in mind who are apart from their families and loved ones, but it is also for everyone. Smile - be of good cheer and courage!...Loreto